This website uses cookies to ensure you get the best experience.
You can view which ones and what they do by clicking this button.
Mae CARAD yn falch i fod yn rhan o Gynllun Tir Pori Rhos a lansiwyd gan Ymddiriedolaeth Natur Sir Faesyfed. Mae prosiect newydd a ariennir trwy Gymunedau Gwledig Llywodraeth Cymru – Rhaglen Ddatblygu Gwledig 2014-2020, sy’n cael ei hariannu gan Gronfa Amaethyddiaeth Ewropeaidd ar gyfer Datblygu Gwledig a Llywodraeth Cymru.
Fe fydd CARAD yn darparu’r celfyddydau, treftadaeth a pheth elfennau o’r cynllun sy’n ymwneud â gweithio’n agos gyda’r gymuned, gan gynnwys gweithgareddau ac arddangosfeydd. Cysylltwch â ni’n uniongyrchol neu ar wefan Ymddiriedolaeth Natur Sir Faesyfed am ragor o wybodaeth.
Mae tir pori rhos yn gynefin pwysig sydd wedi diflannu o reolaeth amaethyddol dros y blynyddoedd diwethaf. Mae’r prosiect bywyd gwyllt ac amaethyddiaeth hwn yn ceisio ei ailsefydlu o dan reolaeth draddodiadol er lles ffermwyr a thirfeiddianwyr, a’r bywyd gwyllt lleol.
Yn draddodiadol mae tir pori rhos wedi bod yn ardaloedd sydd llawn o wair a thir pori brwyn. Yn bennaf glaswelltiroedd corsiog ydynt, yn cael eu rheoli gan wartheg yn pori ar raddfa isel. Mae’r strwythur amrywiol yn cefnogi bywyd gwyllt sy’n bwysig yn rhyngwladol.